કેવા રહ્યા ઇન્ફોસીસના Q4 પરિણામો(Infosys Results) ?
શું તમે એપ્લાય કરવાનું વિચારી રહ્યા છો Vodafone Idea FPO ?
જાણો બે મહત્વના Stock Market News વિશે…
ભારતની બીજી સૌથી મોટી સોફ્ટવેર નિકાસકાર કંપની ઈન્ફોસિસે આજે ભારતીય બજારો બંધ થયા બાદ પોતાના ચોથા ત્રિમાસિક ગળાના પરિણામો જાહેર કર્યા હતા.
ઇન્ફોસિસ Q4 પરિણામો (Infosys Q4 Results)
ઇન્ફોસિસે ચોથા અને છેલ્લા ક્વાર્ટરમાં ₹7,975 કરોડનો ચોખ્ખો નફો નોંધાવ્યો છે, જે ડિસેમ્બર ક્વાર્ટરની તુલનામાં 30% વધારે છે. ઇન્ફોસીસની અપેક્ષાઓ અનુસાર નાણાકીય વર્ષ 2025 માટે આવક વૃદ્ધિ 1% અને 3% ની વચ્ચે રહેશે. ઇન્ફોસિસે યુએસ ડોલરની આવકમાં 2.1 ટકાનો ઘટાડો નોંધાવ્યો હતો.સતત ચલણની દ્રષ્ટિએ, કંપનીની આવક અનુક્રમે 2.2 ટકા ઘટી છે. ઈન્ફોસીસે યુએસ ડોલરની આવક 4,564 મિલિયન ડોલર નોંધાવી હતી. ડિસેમ્બર ક્વાર્ટરમાં આવકમાં 1% ઘટાડો થયા બાદ ઇન્ફોસિસની આવકમાં આ સતત બીજી વારનો ત્રિમાસિક ઘટાડો છે. રૂપિયાની દ્રષ્ટિએ, ત્રિમાસિક ગાળાની આવક ₹37,923 કરોડ હતી, જે અનુક્રમે 2.3 ટકા ઓછી હતી.ઇબીઆઇટી માર્જિન ડિસેમ્બર ક્વાર્ટરમાં 20.5 ટકાથી 40 બેસિસ પોઇન્ટ ઘટીને 20.1 ટકા થયું છે. બજારો બંધ થયા બાદ ઈન્ફોસીસે પરિણામ જાહેર કર્યા હતા. આજે (ગુરુવારે) NSE(એનએસઈ) પર ઈન્ફોસિસના શેર ₹ 15.05 એટલે કે 1.06% વધીને ₹ 1,429.50 પર બંધ થયા હતા. આવતીકાલે બજારોમાં પરિણામોની અસર શેરના ભાવો પર જોવા મળી શકે છે. આ વર્ષે અત્યાર સુધીમાં લગભગ 8% ઘટ્યા પછી ઈન્ફોસીસનો સ્ટોક હવે એક મહત્વપૂર્ણ સપોર્ટ લેવલ પર છે. શેર માટે ₹1,350 મહત્વનો સપોર્ટ અને ₹1,500 નું લેવલ મહત્વનો રેઝી સ્ટંસ રહેશે એવું માની રહ્યું છે.
ઈન્ફોસીસ Q4 પરિણામોમાં જાહેર કરાયેલ ડિવિડન્ડ
નાણાકીય વર્ષ 2023-24 માટે શેર દીઠ ₹20ના અંતિમ ડિવિડન્ડની જાહેરાત કરી હતી. આઇટી કંપનીએ ઇક્વિટી શેર દીઠ 8 રૂપિયાના વિશેષ ડિવિડન્ડની પણ જાહેરાત કરી છે. અગાઉ જાહેર કરાયેલા ₹ 35.5 પ્રતિ શેર ડિવિડન્ડની સાથે, FY24 માટે ઇન્ફોસિસનું કુલ ડિવિડન્ડ ₹ 63.5 પ્રતિ શેર હતું. અંતિમ અને વિશેષ ડિવિડન્ડની ચુકવણી માટેની રેકોર્ડ તારીખ 31 મે, 2024 નક્કી કરવામાં આવી છે. ડિવિડન્ડની ચૂકવણી 1 જુલાઈ, 2024 ના રોજ કરવામાં આવશે, એમ કંપનીએ પોતાના ફાઇલિંગમાં જણાવ્યું હતું. ઇન્ફોસિસના બોર્ડે માર્ચ ક્વાર્ટર (Q4FY24) ના પરિણામોની જાહેરાત કરતી વખતે ડિવિડન્ડની દરખાસ્તને મંજૂરી આપી હતી. આ પહેલા ઇન્ફોસિસે 25 ઓક્ટોબર, 2023ના રોજ શેર દીઠ ₹18નું વચગાળાનું ડિવિડન્ડ જાહેર કર્યું હતું, ત્યારબાદ જૂન 2023ના રોજ ₹ 17.5 નું અંતિમ ડિવિડન્ડ જાહેર કર્યું હતું. ઈન્ફોસિસના શેર રેકોર્ડ તારીખના એક દિવસ પહેલા અથવા એક દિવસ અગાઉ એક્સ-ડિવિડન્ડ ટ્રેડ કરે તેવી શક્યતા છે. જ્યારે કોઈ કંપની ચોક્કસ તારીખે એક્સ-ડિવિડન્ડ જાય છે, ત્યારે તેના શેરમાં આગામી ડિવિડન્ડ ચુકવણીનું મૂલ્ય હોતું નથી. એક્સ-ડિવિડન્ડ તારીખ એ પણ નક્કી કરે છે કે કયા શેરધારકો ડિવિડન્ડની ચુકવણી મેળવવા માટે પાત્ર છે.
************
વોડાફોન આઇડિયા (VI) ફોલો-ઓન પબ્લિક ઓફર (FPO)
ટેલિકોમ કંપની વોડાફોન આઇડિયા (VI) ની ફોલો-ઓન પબ્લિક ઓફર (FPO) આજે શરૂ થઈ છે. કંપની આ ઇશ્યૂ દ્વારા 18,000 કરોડ રૂપિયા એકત્ર કરવાની યોજના ધરાવે છે. રિટેલ રોકાણકારો આ એફપીઓ માટે 22 એપ્રિલ સુધી એપ્લાય કરી શકે છે. આ FPO ના શેર 25 એપ્રિલે બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે. આ પહેલા VIએ 74 એન્કર રોકાણકારો પાસેથી ₹5,400 કરોડ એકત્ર કર્યા હતા. જો તમે પણ આ FPOમાં રોકાણ કરવાની યોજના બનાવી રહ્યા છો, તો અમે તમને જણાવી રહ્યા છીએ કે તમે તેમાં કેટલું રોકાણ કરી શકો છો.
તમે લઘુત્તમ અને મહત્તમમાં કેટલું રોકાણ કરી શકો છો?
આ FPO માટે રિટેલ ઇન્વેસ્ટર્સ ઓછામાં ઓછા એક લોટ એટલે કે 1298 શેર માટે અરજી કરી શકે છે. કંપનીએ શેર દીઠ 10-11 રૂપિયાની પ્રાઇસ બેન્ડ નક્કી કરી છે. જો તમે એફ. પી. ઓ. ની 11 રૂપિયાની અપર પ્રાઇસ બેન્ડમાં 1 લોટ માટે અરજી કરો છો, તો તમારે 14,278 રૂપિયા ચૂકવવા પડશે. રિટેલ રોકાણકારો મહત્તમ 14 લોટ એટલે કે 18172 શેર માટે બોલી લગાવી શકે છે. જેના માટે ₹199,892નું રોકાણ કરવું પડશે.
કયા એન્કર ઇન્વેસ્ટર્સ પાસેથી કેટલું ભંડોળ મેળવ્યું VI (વોડાફોન આઈડિયા)એ ?
વીઆઈ(VI)એ એફપીઓ ખોલતા પહેલા 74 એન્કર ઇન્વેસ્ટર્સ પાસેથી ₹5,400 કરોડ એકત્ર કર્યા છે. કંપનીએ બીએસઈ(BSE)ને એક ફાઇલિંગમાં આ માહિતી આપી છે. VIએ પ્રતિ શેર 11 રૂપિયાના ભાવે 491 કરોડ શેર ફાળવ્યા છે.
રોકાણકારોમાં GQG પાર્ટનર્સને સૌથી વધુ 26% શેર મળ્યા છે, GQGએ તેના માટે 1,345 કરોડ રૂપિયાનું રોકાણ કર્યું છે. આ ઉપરાંત ફિડેલિટી ઇન્વેસ્ટમેન્ટે ₹772 કરોડ, ટ્રુ-કેપિટલ અને ઓસ્ટ્રેલિયન સુપરએ ₹331 કરોડ અને ₹130 કરોડનું રોકાણ કર્યું છે. રોકાણકારોમાં મોર્ગન સ્ટેન્લી ઇન્વેસ્ટમેન્ટ મેનેજમેન્ટ, સિટીગ્રુપ ગ્લોબલ માર્કેટ, ધ માસ્ટર ટ્રસ્ટ બેંક ઓફ જાપાન, યુબીએસ,મોતીલાલ ઓસવાલ, ઓસ્ટ્રેલિયન સુપર, ફિડેલિટી અને ક્વોન્ટ નો સમાવેશ થાય છે.
ક્યાં ઉપયોગ કરશે વોડાફોન આઈડિયા(VI) એફપીઓ(FPO)નું ભંડોળ
આ ભંડોળનો ઉપયોગ વધુ સારી 4G સેવાઓ અને 5G રોલઆઉટ માટે કરવામાં આવશે. કંપનીના મીડિયા રિપોર્ટ અનુસાર, કંપની આ ફંડનો ઉપયોગ 5Gને રોલ આઉટ કરવા અને 4G સેવાઓમાં સુધારો કરવા માટે કરશે. આ સાથે, આ ભંડોળ ઊભુ કરવાથી કંપની તેની સ્પર્ધાત્મક સ્થિતિ સુધારવામાં અને વધુ સારો ગ્રાહક અનુભવ પ્રદાન કરવામાં પણ સક્ષમ બનશે.
વોડાફોન આઈડિયા પર 210000 કરોડ રૂપિયાનું દેવું છે. વોડાફોન આઇડિયા તેના હરીફ એવા એરટેલ(Airtel) અને જિઓ(JIO) સાથે સ્પર્ધા કરવા માટે તેની સર્વિસ અને બેઝીક ઈન્ફ્રાસ્ટ્રક્ચરમાં સુધારો કરવા માંગે છે. કંપની હાલમાં જિઓ(JIO) અને એરટેલ(Airtel) જેવા મોટા સ્પર્ધકોથી પાછળ છે.
અત્યાર સુધીનો સૌથી મોટો એફપીઓ(FPO)
આ અત્યાર સુધીનું સૌથી મોટું એફપીઓ છે. યસ બેન્ક દ્વારા હાલમાં ભારતીય બજારમાં સૌથી મોટી એફપીઓ રજુ કરવામાં આવેલો , જેની કિંમત 15,000 કરોડ રૂપિયા હતી. અદાણી એન્ટરપ્રાઇઝે ગયા વર્ષે જાન્યુઆરીમાં 20,000 કરોડ રૂપિયાનો એફપીઓ લાવવાની તૈયારી કરી હતી. જોકે બાદમાં કંપનીએ તેને પાછો ખેંચી લીધી હતી. જો આ એફપીઓ લાવવામાં આવ્યો હોત તો અદાણી એન્ટરપ્રાઇઝ સૌથી મોટો એફપીઓ લાવનાર કંપની બની હોત.
એફપીઓ(FPO) એટલે શું ?
ફોલો-ઓન પબ્લિક ઓફરિંગ (એફપીઓ) એ એવી પ્રક્રિયા છે જેના દ્વારા શેર બજારમાં પહેલેથી જ લીસ્ટેડ કંપની રોકાણકારો અથવા હાલના શેરધારકો, સામાન્ય રીતે પ્રમોટરોને નવા શેર ઇશ્યૂ કરે છે. સરળ ભાષામાં, શેરબજારમાં લીસ્ટેડ કંપનીઓ ગૌણ બજારમાં નવા શેર બહાર પાડીને ભંડોળ એકત્ર કરે છે.
************
