કેવા રહ્યાં બજાજ ફાઈનાન્સ(Bajaj Finance), ટેક મહિન્દ્રા(Tech Mahindra) અને એલ એન્ડ ટી ટેકનો. સર્વિસીસ(LTTS)ના Q4 results (Q4 પરિણામો) ?

બજાજ ફાઈનાન્સ(Bajaj Finance) અને એલ એન્ડ ટી ટેકનો. સર્વિસીસ(LTTS)ના Q4 પરિણામોને નબળો પ્રતિસાદ

ટેક મહિન્દ્રા(Tech Mahindra)માં Q4 પરિણામોમાં વાર્ષિક ધોરણે નફો ઘટ્યો હોવા છતાં તેજીનો માહોલ  

 

બજાજ ફાઈનાન્સ(Bajaj Finance)ના Q4 પરિણામો

નોન-બેન્કિંગ ફાઇનાન્શિયલ કંપની (NBFC) બજાજ ફાઇનાન્સે(Bajaj Finance) ગત રોજ(25 એપ્રિલે) 31 માર્ચ, 2024 ના રોજ પૂરા થયેલા ચોથા ક્વાર્ટરમાં ₹ 3,824.53 કરોડનો ચોખ્ખો નફો(નેટ પ્રોફિટ) નોંધાવ્યો હતો , જે વાર્ષિક ધોરણે (YoY) 21.1 ટકાનો વધારો છે. ગયા વર્ષના સમાન ક્વાર્ટરમાં બજાજ ફાઇનાન્સે ₹3,157.8 કરોડનો ચોખ્ખો નફો નોંધાવ્યો હતો, એમ તેણે રેગ્યુલેટરી ફાઇલિંગમાં જણાવ્યું હતું. બેંક તેની ધિરાણ પ્રવૃત્તિઓમાંથી મેળવતી વ્યાજની આવક અને તે થાપણદારોને ચૂકવે છે તે વચ્ચેનો તફાવત ચોખ્ખી વ્યાજની આવક (NII-નેટ ઇન્ટરેસ્ટ ઇન્કમ) કહેવાય  છે.  નેટ ઇન્ટરેસ્ટ ઇન્કમ 21.1% વધીને ₹ 3,824.53 કરોડ થઇ હતી, જે નાણાકીય વર્ષ 23 ના સમાન ક્વાર્ટરમાં ₹ 3,157.8 કરોડ હતો. ગ્રોસ નોન-પરફોર્મિંગ એસેટ (જીએનપીએ) માર્ચ ક્વાર્ટરમાં 0.85 ટકા રહી હતી, જે ડિસેમ્બર ક્વાર્ટરમાં 0.95 ટકા હતી. નેટ નોન-પરફોર્મિંગ એસેટ (એનએનપીએ) 0.34 ટકા રહી હતી, જે ત્રિમાસિક ધોરણે 0.37 ટકા હતી.

બોર્ડ ઓફ ડિરેક્ટર્સે 31 માર્ચ, 2024 ના રોજ પૂરા થયેલા નાણાકીય વર્ષ માટે ₹ 2 ની ફેસ વેલ્યુના શેર પર ₹36 (1800%) ના ડિવિડન્ડની ભલામણ કરી છે.  જો આગામી વાર્ષિક સામાન્ય સભામાં શેરહોલ્ડરો દ્વારા મંજૂર કરવામાં આવશે , તો તે ડિવિડન્ડ 26-27 જુલાઈના રોજ જમા કરવામાં આવશે.

25 મી એપ્રિલે બજારના કલાકો બંધ થયા પછી કંપનીએ તેના  પરિણામો જાહેર કર્યા હતા. બજાજ ફાઇનાન્સ લિમિટેડનો શેર આજે (૨૬ એપ્રિલે) BSE પર ₹ 33.80 અથવા 0.46% ઘટીને ₹7,293.90 પર બંધ રહ્યો હતો અને ત્યારબાદ સતત વેચવાલીના પરિણામે શેર ડાઉન થતો રહ્યો હતો.

એલ એન્ડ ટી ટેકનોલોજી સર્વિસીસ(LTTS – L&T technology services)ના Q4 results (Q4 પરિણામો)

એલ એન્ડ ટી ટેક્નોલોજી સર્વિસીસ લિમિટેડ(LTTS)નો શેર શુક્રવારે (26 એપ્રિલ, 2024) બીએસઈ પર લગભગ 9.50 ટકા ઘટ્યો હતો. જેનું કારણ  કંપનીએ જાહેર કરેલા ચોથા ક્વાર્ટરના નબળા પરિણામો અને નબળું  ગાઈડન્સ  હતું. શુક્રવારે ₹4,935.00 પર ખુલ્યા બાદ, શેર દિવસના તળિયે 4,689.50 પર આવી ગયો, જે અગાઉના બંધ ₹5,180.95 થી 9.48 ટકા ઘટ્યો હતો. LTTS નો  શેર શુક્રવારે સવારે 9:46 વાગ્યે 6.65 ટકા અથવા 344.55 રૂપિયા ઘટીને 4836.40 રૂપિયા પર ટ્રેડ થઈ રહ્યો હતો.

LTTSનું માર્જિન Q4 માં ઘટીને 16.9 ટકા થયું હતું, જે વાર્ષિક ધોરણે 17.2 ટકા હતું. (YoY). તેની આવકમાં 4.8 ટકાનો વધારો થયો હતો જ્યારે નફો 1.4 ટકા વધ્યો હતો. એલ એન્ડ ટી ટેક્નોલોજી સર્વિસીસ (LTTS) એ ગુરુવારે જાહેર કરેલા માર્ચ ક્વાર્ટરના પરિણામોમાં  આવકમાં ધીમી વૃદ્ધિ અને માર્જિનમાં ઘટાડાને કારણે ચોખ્ખો નફો 0.2 ટકાના નજીવા વધારા સાથે ₹340 કરોડ નોંધાવ્યો હતો.કંપનીએ કહ્યું કે તે એપ્રિલ-જૂનના સમયગાળા દરમિયાન 500 કર્મચારીઓ ઉમેરવાની યોજના ધરાવે છે. નાણાકીય વર્ષ 24 માટે L&T  ટેક્નોલોજી  સર્વિસિસનો ચોખ્ખો નફો 7.6 ટકા વધીને ₹1,303.7 કરોડ થયો હતો. રિપોર્ટિંગ ક્વાર્ટરમાં તેની આવક 7 ટકા વધીને ₹2,537.5 કરોડ થઈ હતી, જ્યારે અગાઉના ક્વાર્ટરની સરખામણીએ તે લગભગ 5 ટકા વધારે હતી.

એલટીટીએસના મેનેજિંગ ડિરેક્ટર અને ચીફ એક્ઝિક્યુટિવ અમિત ચઢ્ઢાએ જણાવ્યું હતું કે, અગાઉના વર્ષના સમાન ગાળામાં આવક વધારે હતી, કારણ કે તેઓને હસ્તગત કંપની સ્માર્ટ વર્લ્ડમાંથી લાભ થયો હતો. માર્જિન બાબતે તેમણે નજીકના ગાળામાં મરજીન થોડા મ્યુટેડ રહેશે તેવું  જણાવ્યું હતું, જેના માટે તેમણે ભવિષ્ય માટે નિર્ણાયક ગણાતા અન્ય ક્ષેત્રોમાં કરવામાં આવનાર રોકાણમાં થનાર વધારાનું કારણ આપ્યું હતું. આ રોકાણ સોફ્ટવેર-નિર્ધારિત વાહનો, હાઇબ્રિડાઇઝેશન અથવા ઇલેક્ટ્રિક વાહનો, આર્ટિફિશિયલ ઇન્ટેલિજન્સ, સાયબર સિક્યુરિટી, એમ્બેડેડ સિસ્ટમ્સ અને હાઇપરસ્કેલર ટેકનોલોજીમાં હશે. તેમણે કહ્યું કે કંપનીએ ભૂતકાળમાં 17-18 ટકાના ઓપરેટિંગ પ્રોફિટ માર્જિન રીપોર્ટ કરેલા છે, પરંતુ અન્ય ક્ષેત્રોમાં વધનારા રોકાણને કારણે ઓપરેટીંગ પ્રોફિટ માર્જીન  ઘટી શકે છે.વર્તમાન ત્રિમાસિક ગાળામાં(Q4) ઓપરેટિંગ પ્રોફિટ માર્જિન 16.9 ટકા રહ્યું હતું, જે અગાઉના વર્ષના સમાન ગાળામાં 17.9 ટકા અને અગાઉના ત્રિમાસિક ગાળામાં 17.2 ટકા હતું.

તેમણે સંસ્થાના પુનર્ગઠન(રી-સ્ટ્રકચરીંગ)ની પણ જાહેરાત કરી હતી, જે અંતર્ગત તેમણે બીઝનેસ વર્ટીકલની સંખ્યા અગાઉના પાંચ બીઝનેસ વર્ટીકલથી  ઘટાડીને ત્રણ કરી દીધી છે. જેમાં સસ્ટેનેબિલીટી, મોબીલીટી અને હાઈ ટેક જેવા ત્રણ મુખ્ય વર્ટીકલ સમાવિષ્ટ છે.  તેમણે ઉમેર્યું હતું કે, છેલ્લા 3થી6 અઠવાડિયાથી તેના પર કામ ચાલી રહ્યું છે અને તેમાં કંપનીના માળખામાં કેટલાક ફેરફારો પણ સામેલ છે.

કંપનીએ છેલ્લા એક વર્ષમાં તેના રોલમાં લગભગ 800 કર્મચારીઓનો ઉમેરો કર્યો છે. જેથી કુલ કર્મચારીઓની સંખ્યા 23,812 થઈ છે અને નાણાકીય વર્ષના પ્રથમ ત્રિમાસિક ગાળામાં વધુ 500 લોકો ઉમેરવામાં આવશે, એમ અમિત ચઢ્ઢાએ જણાવ્યું હતું. નવા નાણાકીય વર્ષમાં તેઓ સમાન સંખ્યામાં ફ્રેશર્સ અને અનુભવી લોકોને હાયર કરશે, એમ તેમણે ઉમેર્યું હતું.

ત્રિમાસિક ગાળા દરમિયાન એલ. ટી. ટી. એસ.(LTTS) એ 100 મિલિયન ડોલર (આશરે ₹800 કરોડ) એક 30 મિલિયન ડોલર (આશરે ₹250 કરોડ) અને 20 મિલિયન ડોલર (આશરે ₹166 કરોડ) અને એક કરોડ ડોલર (આશરે ₹83 કરોડ) ના બે સોદા કર્યા હતા.

ટેક મહિન્દ્રા(Tech Mahindra)ના Q4 results (Q4 પરિણામો)

ટેક મહિન્દ્રાએ ગુરુવાર (25 એપ્રિલ) ના રોજ Q4FY24 ના ચોથા ક્વાર્ટરના પરિણામો જાહેર કર્યા હતા. નાણાકીય વર્ષ 2024 જાન્યુઆરી-માર્ચ ક્વાર્ટરમાં કંપનીનો ચોખ્ખો નફો(નેટ પ્રોફિટ) વાર્ષિક ધોરણે (YoY) 41% ઘટીને ₹661 કરોડ થયો હતો. ત્રિમાસિક ધોરણે કંપનીનો ચોખ્ખો નફો 29.5 ટકા વધ્યો હતો, જે અગાઉના ત્રિમાસિક (Q3FY24) માં ₹510 કરોડ હતો. એટલે કે, ક્વાર્ટર-ઓન-ક્વાર્ટર (QoQ) ધોરણે કંપનીનો ચોખ્ખો નફો 29.5 ટકા વધ્યો છે.

ટેક મહિન્દ્રાના બોર્ડ ઓફ ડિરેક્ટર્સે શેર દીઠ 28 રૂપિયાના ડિવિડન્ડને મંજૂરી આપી છે. કંપનીઓ તેમના નફાનો એક ભાગ તેમના શેરધારકોને ચૂકવે છે, જેને ડિવિડન્ડ કહેવાય છે. ટેક મહિન્દ્રાની વાર્ષિક આવક(રેવન્યુ ફ્રોમ ઓપરેશન્સ) 6.2 ટકા વધીને 12,871.3 કરોડ રૂપિયા થઈ છે. અગાઉના ક્વાર્ટર (Q3FY24) માં કંપનીની આવક(રેવન્યુ ફ્રોમ ઓપરેશન્સ) 13,101.3 કરોડ રૂપિયા હતી. એટલે કે, ચોથા ક્વાર્ટરમાં કંપનીની આવક ત્રીજા ક્વાર્ટરની તુલનામાં 1.8 ટકા ઘટી છે.

ટેક મહિન્દ્રાએ આ વર્ષે (નાણાકીય વર્ષ 2025માં) 6000 ફ્રેશર્સની ભરતી કરવાની પણ જાહેરાત કરી છે. 31 માર્ચના રોજ પૂરા થયેલા ચોથા ક્વાર્ટરમાં ટેક મહિન્દ્રાના કુલ કર્મચારીઓની સંખ્યામાં 795 ટકાનો ઘટાડો થયો છે. બીજી બાજુ, નાણાકીય વર્ષ 24 માં કંપનીના કર્મચારીઓની સંખ્યામાં 6,945 નો ઘટાડો થયો હતો.

ગુરુવારે કંપનીનું માર્કેટ કેપ ₹ 1.16 લાખ કરોડ વધીને ₹ 1,190.75 થયું હતું, જે 0.43 ટકા વધ્યું હતું. કંપનીનું માર્કેટ કેપ 1.16 લાખ કરોડ રૂપિયા છે. છેલ્લા એક મહિનામાં કંપનીના શેરમાં 5.07 ટકાનો ઘટાડો થયો છે. છેલ્લા છ મહિનામાં શેરમાં 6.75 ટકાનો વધારો થયો છે. તેણે છેલ્લા એક વર્ષમાં 20% વળતર આપ્યું છે.